Geoloji quruluşun öyrənilməsi qrupu tərəfindən aşağıdakı işlər görülür:

• sahədə iri miqyaslı (1:200 – 1:5000) geoloji planalma işlərinin aparılması (süxurların növü və çatlılığı, yatım xüsusiyyətləri, tektonik pozulmaların növü və istiqamətləri və s.öyrənilməsi);
• seysmik və elektrik kəşfiyyat, maqnitometriya üsullarından istifadə etməkllə  kiçikdərinlikli geofiziki tədqiqatların aparılması;
• sahənin geoloji kəsilişinin, həmçinin müəyyən edilmiş geofiziki anomaliyaların geoloji təbiətinin  öyrənilməsi məqsədilə dağ-qazma işlərinin (azdərinlikli buruq quyuları, xəndək və şurfların qazılması) aparılması, qazmalardan süxur nümunələrin götürülməsi və onların tərkibinin öyrənilməsi (geokimyəvi, spektral,  mineraloji, petroqrafik analizlər);
• GPS monitorinqinin aparılması – sahənin müasir kinematikasının, gərginlik və deformasiya vəziyyətinin öyrənilməsi;
• tektonik pozulmaların müasir fəallığının və seysmik təhlükənin qiymətləndirilməsi;
• məsafədən zondlama materiallarının (kosmik və aerofoto çəkilişlərin) təfsiri və təhlili ilə geoloji və geoekoloji vəziyyətin qiymətləndirilməsi;
• yer səthində və dağ qazmalarında radioloji şəraitin öyrənilməsi;   
• sahənin iri miqyaslı (1:200 – 1:5000) yekun geoloji xəritəsi və geoloji kəsilişlərinin tərtibi;
• sahənin müasir geoloji durumu üzrə xülasənin tərtibi.
• sahənin iri miqyaslı (1:200 – 1:5000) topoqrafik planının tərtibi;
• yer səthinə çıxan qruntların növü, yatma şəraiti və xassələrinin öürənilməsi;
• mühəndisi-geoloji və hidrogeoloji şəraitin öyrənilməsi məqsədilə dağ-qazma işlərinin (azdərinlikli buruq quyuları, xəndək və şurfların qazılması) həyata keçirilməsi;
• üst qrunt qatından və dağ qazmalarından süxur nümunələrinin götürülməsi, nümunələrin çöl şəraitində tədqiqi, geokimyəvi, petroqrafik, fiziki-mexaniki və s. xüsusiyyətlərinin laborator öyrənilməsi;
• buruq quyularında hidrogeoloji müşahidələrin yerinə yetirilməsi – qrunt sularının mövcudluğu, onların yatma dərinliyi və dinamikasının müəyyən edilməsi, onların bir sıra fiziki-kimyəvi parametrlərinin mobil təyini, əlavə  hidrogeokimyəvi laborator sınamaların aparılması;
• yerüstü təbii su mənbələrinin təyini, onların rejiminin öyrənilməsi;
• yerüstü geoloji proseslərin (sürüşmələr, uçqunlar, töküntülər və s.) və onların dinamikasının öyrənilməsi;
• inşa ediləcək obyektlərin istismarına yerüstü geoloji proseslərin, yerüstü və yeraltı suların mümkün təsirinin qiymətləndirilməsi
• sahənin mühəndisi-geoloji, hidrogeoloji və hidroloji durumu üzrə xülasənin tərtibi, təkliflərin işlənib hazırlanması.